Koncepti i dizenjimit vjen me një përqasje miqësore, duke respektuar formën e tokës, vegjetacionin dhe elementët e peisazhit. Zona ku zhvillohet projekti ka potencial të mjaftueshëm, me elementë të pasur natyrorë, sportivë dhe panoramik. Koncepti ka në fokus arritjen e kohezionit dhe integrimit social, duke vendosur në qendër të vëmendjes komfortin, privatësinë dhe qetësisë e të jetuarit në një ambient të shëndetshëm me jetë komunitare të pasur.

Dizenjimi ruan maksimalisht tiparet e zonës dhe i përgjigjet në mënyrë shumë delikate relievit. Projekti është konceptuar për dizajn diellor pasiv, ku volumi i ndërtesave dhe sistemeve përdoren për të kthyer energjinë e diellit në energji termike të dobishme për ngrohjen dhe ftohjen e ndërtesave dhe krijimin e një mikroklime më tërheqëse dhe më të këndshme urbane.